NOANIQ MA’LUMOTLAR KO‘PLIGI SHAROITIDA AXBOROT XAVFSIZLIGINI TA’MINLASHNI MODELLASHTIRISH

Аннотация

Ushbu maqolada noaniq ma’lumotlar ko‘pligi sharoitida axborot xavfsizligini ta’minlashni modellashtirishga taʻsir qiluvchi bir qator masalalar koʻrib chiqiladi va mavzuning asosiy tushunchalariga taʻriflar beriladi. Zaif strukturalarga ega tizimlarni boshqarish masalasi ko‘plab tadqiqotchilar tomonidan o‘rganilgan bo‘lib, bu borada noaniqlik tushunchasining ahamiyati alohida ta’kidlangan. Noaniqlik turli omillar, ayniqsa, tavakkalchilik va o‘lchab bo‘lmaydigan omillar bilan bog‘liq bo‘lib, tizimlar xatti-harakatlarini aniqlashda jiddiy ro‘l o‘ynaydi. Ushbu maqolada zaif strukturalarga ega tizimlarda noaniqlikni modellashtirish uchun “qora quti” konsepsiyasi asosida yondashuv tavsiya etiladi. Bu yondashuv orqali qaror qabul qilish, tizim holatini prognoz qilish, tasniflash va optimallashtirish kabi vazifalarni amalga oshiriladi. Noaniq to‘plamlar va noaniq xulosa mexanizmlari esa zamonaviy sharoitda samarali boshqaruv vositasi sifatida ko‘riladi.