KITOB DAVLAT GEOLOGIK QO‘RIQXONASI HUDUDIDAGI O‘SIMLIKLAR TAHLILI

Аннотация

Ushbu maqolada Kitob Davlat geologik qo’riqxonasi hududida uchraydigan o’simliklar tahlili keltirilgan. Qo‘riqxona hududi  geografik jihatdan Zarafshon tog‘ining janubiy-g‘arbiy yonbag‘rida, ma’muriy jihatdan esa Qashqadaryo viloyati Kitob tumanida joylashgan.

Umumiy maydoni 3938 ga. Relefi tog‘li, yuqori qismi qoyalardan, pastki tomoni esa, tepaliklardan iborat. Dengiz sathidan balandligi 1300-2700 m. Qo‘riqxona hududini Obi-Safit, Xujaqo’rg‘on, Zinjilbog‘, Novabog‘ va boshqa soylar chuqur kesib o‘tib, bu yerda go‘zal tabiatli har xil tog‘ daralarini hosil qilgan. Qo’riqxona hududi 3938 gektarni tashkil etib, jami o’simliklarning 800 ga yaqin turi uchraydi. Shundan paparotniklar 5 ta, ochiq urug’lilar 5 ta, yopiq urug’lilar 790 ta turni tashkil qilmoqda. O’simliklarning 13 turi “Qizil Kitob”ga kiritilganligi alohida ahamiyatga egadir. Shu bilan birga hududda 200 ta tur  dorivor,  25 ta tur oziq-ovqat o’simligi sanaladi.