«BADOYE’ UL-VAQOYE»DA SAMARQAND ILMIY MUHITI: OLIMLAR VA TALABALAR HAYOTI

Аннотация

Zayniddin Mahmud Vosifiyning «Badoye’ ul-vaqoye» asari XV asr oxiri – XVI asrning birinchi yarmida Xuroson va Movarounnahrda kechgan ijtimoiy-madaniy jarayonlarni o‘rganishda muhim yozma manbalardan biridir. Asarning Samarqand bilan bog‘liq lavhalarida shahardagi madrasalar, mudarrislar, olimlar, talabalar va ularning kundalik hayotiga doir aniq ma’lumotlar uchraydi. Ayniqsa, muallifning o‘z hayotiy tajribasi bilan bog‘liq voqealarni bayon qilishi ilmiy-ma’rifiy muhitning nafaqat tashkiliy, balki ijtimoiy va moddiy jihatlarini ham kuzatish imkonini beradi.