KAMBAG‘ALLIKNI QISQARTIRISH VA AHOLI BANDLIGINI TA’MINLASHDA SUBSIDIYALARNING O‘RNI

Аннотация

Mazkur maqolada kambag‘allikni qisqartirish va aholi bandligini ta’minlashda subsidiyalarning iqtisodiy va ijtimoiy ahamiyati tadqiq etilgan. Dastlab subsidiya tushunchasining iqtisodiy mazmuni, uning asosiy shakllari va davlat tomonidan qo‘llanilish maqsadlari yoritilgan. Shuningdek, subsidiyalarning aholini mehnat faoliyatiga jalb etish, o‘zini o‘zi band qilish, kichik tadbirkorlikni rivojlantirish, yangi ish o‘rinlari yaratish va aholining daromadlarini oshirishga ta’sir mexanizmi tahlil qilingan. O‘zbekiston Respublikasida kambag‘allikni qisqartirish va bandlikni ta’minlash bo‘yicha amalga oshirilayotgan davlat siyosati, jumladan, aholining ijtimoiy himoyaga muhtoj qatlamlarini tadbirkorlik va daromad keltiruvchi faoliyatga jalb etishga qaratilgan subsidiya mexanizmlari ko‘rib chiqilgan. Rasmiy statistik ma’lumotlar asosida kambag‘allik darajasining pasayishi va mehnat bozoridagi o‘zgarishlar tahlil qilinib, subsidiyalarning samaradorligini oshirish bo‘yicha ilmiy-amaliy takliflar ishlab chiqilgan.