KORRUPSIYANI KELTIRIB CHIQARUVCHI PSIXOLOGIK OMILLAR VA HISSIY MANIPULYATSIYA MEXANIZMLARI: HONEY TRAP FENOMENINING KRIMINOLOGIK TAHLILI

Abstract

Mazkur maqolada korrupsion xulq-atvorning shakllanishiga ta'sir etuvchi psixologik omillar hamda hissiy manipulyatsiya mexanizmlarining kriminologik jihatlari Honey Trap fenomeni misolida tahlil qilinadi. Tadqiqot davomida shaxsning hissiy zaifligi, ijtimoiy-psixologik ehtiyojlari, mansab vakolatlaridan shaxsiy manfaat yo‘lida foydalanishga moyilligi va tashqi manipulyativ ta'sirlarga beriluvchanligi korrupsion xatti-harakatlarning muhim determinantlari sifatida o‘rganildi. Honey Trap texnologiyasining mohiyati, uning korrupsion munosabatlarni shakllantirishdagi o‘rni hamda sextortion bilan bog‘liq jihatlari xalqaro tajriba va kriminologik nazariyalar asosida yoritildi. Tadqiqot natijalariga ko‘ra, korrupsiyaga qarshi kurashishda huquqiy choralar bilan bir qatorda psixologik profilaktika, axloqiy immunitetni shakllantirish va hissiy manipulyatsiyalardan himoyalanish ko‘nikmalarini rivojlantirish muhim ahamiyat kasb etishi aniqlandi.