ШОИР ШЕЪРИЯТИНИНГ ЎЗИГА ХОС ЖИҲАТИ

Аннотация

Ушбу мақола таниқли туркман шоири Маҳтумқули Фироғийнинг "Муҳтож айлама", "Униб-ўсган ўз юртингдан айрилма", "Эл яхши" каби  шеърларининг таҳлилига бағишланган. Шоир шеъриятида Ватан, одамийлик, ҳаёт мавзуларининг ёрқин рангларда акс эттирилиши, ижодининг ўзига хос жиҳати, оҳорли ифодалар ҳамда бадиий санъатлардан фойдаланиш маҳоратини ўрганиш асносида текширилди.  

Маҳтумқули Фироғий таниқли туркман шоири, айни пайтда ўзбекнинг оташин шоири ҳисобланади. Унинг гўзал шеърлари, туркий халқлар томонидан ўзгача бир пафос билан куйланиб келинган. Маҳтумқули Фироғий шеъриятида бадиий санъатлардан бири калом-и жомиънинг қўлланилиши, шоирнинг поэтик маҳорати масаласини  ўрганиш билан боғлиқ масалалар таҳлилга тортилгани билан ҳам аҳамиятлидир.