Ключевые слова
Аннотация
Mazkur maqolada maktabgacha ta’lim muassasalarida ekologik madaniyatni shakllantirish masalalari yoritilgan. Tadqiqotning asosiy maqsadi bolalarda chiqindilarni to‘g‘ri saralash va ekologik ongni erta yoshdan rivojlantirishning samarali usullarini aniqlashdan iborat. Maqolada “EKOMAN” nomli innovatsion qurilma konsepsiyasi taklif etilib, u Reverse Vending Machine texnologiyasi asosida ishlab chiqilganligi ta’kidlanadi. Ushbu qurilma orqali bolalar chiqindilarni topshirish evaziga rag‘bat (o‘yinchoq yoki ball) olish imkoniga ega bo‘lib, bu jarayon Gamification yondashuvi orqali tashkil etiladi.
Tadqiqotda shuningdek bolalarda xulq-atvorni shakllantirishning psixologik asoslari, xususan Classical Conditioning nazariyasi tahlil qilinadi. Natijalar shuni ko‘rsatadiki, yoshlikdan singdirilgan ekologik odatlar uzoq muddat davomida saqlanib qoladi va barqaror ekologik madaniyatni shakllantirishga xizmat qiladi. EKOMAN qurilmasi bolalarda ekologik ongni rivojlantirish, chiqindilarni kamaytirish va qayta ishlash jarayonlariga qiziqishni oshirishda samarali innovatsion vosita sifatida baholanadi.