Ключевые слова
Аннотация
Мазкур мақолада гиёҳвандликка чалинган шахсларнинг пробация назорати ва ижтимоий реабилитациясини ҳуқуқий тартибга солишнинг назарий-амалий жиҳатлари таҳлил қилинган. Муаллиф пробация институтини жазолашдан кўра ресоциализацияга йўналтирилган замонавий ҳуқуқий механизм сифатида баҳолайди ҳамда гиёҳвандликка чалинган шахсларга нисбатан “терапевтик юриспруденция” ёндашувининг аҳамиятини асослайди. Мақолада “суд–пробация–соғлиқни сақлаш–ижтимоий ҳимоя” тизимидаги идоралараро ҳамкорликнинг ҳуқуқий асослари, риск ва эҳтиёжларни баҳолаш (RNA), индивидуал реабилитация режаси (IRP), кейс-менежмент усули ҳамда мониторинг механизмлари ёритилган. Шунингдек, Англия ва Уэльс (DRR), АҚШ (Drug Courts), Норвегия, Япония ва Сингапур тажрибалари қиёсий таҳлил қилиниб, Ўзбекистон қонунчилигини такомиллаштириш бўйича амалий таклифлар ишлаб чиқилган. Тадқиқот натижалари гиёҳвандликка чалинган шахсларни қайта жиноят содир этишининг олдини олиш, уларни ижтимоий мослаштириш ва жамоат хавфсизлигини таъминлаш самарадорлигини оширишга хизмат қилади.