BOZOR IQTISODIYOTIGA O’TISHNING O’ZBEK MODELI VA UNING O’ZIGA XOS XUSUSIYATLARI

Abstract

O‘zbekistonning bozor iqtisodiyotiga o‘tish modeli o‘ziga xos yondashuvlarga ega bo‘lib, sobiq sovet iqtisodiyotidan farqli ravishda bosqichma-bosqich va evolyutsion rivojlanish tamoyiliga asoslangan. Ushbu modelning asosiy xususiyatlari qatoriga iqtisodiy islohotlarni ijtimoiy barqarorlikni saqlagan holda amalga oshirish, davlatning yetakchi roli, milliy manfaatlarga mos keluvchi huquqiy va institutsional bazani shakllantirish hamda xorijiy investitsiyalarni jalb qilish kiradi. Shuningdek, qishloq xo‘jaligi va sanoat sohalarining modernizatsiyasi, kichik va o‘rta biznesni qo‘llab-quvvatlash, bank-moliya tizimini rivojlantirish kabi omillar ham mazkur modelning muhim tarkibiy qismlaridir.

Tadqiqot natijalari shuni ko‘rsatadiki, O‘zbekistonning bozor iqtisodiyotiga o‘tish strategiyasi barqaror iqtisodiy o‘sishga erishish va ijtimoiy farovonlikni ta’minlashga qaratilgan bo‘lib, bugungi kunda o‘zining samaradorligini namoyon etmoqda.