Keywords
Abstract
Тезисда глобаллашув ва рақамли трансформация шароитида ёшлар ўртасида ҳуқуқбузарликлар профилактикасини репрессив ёндашувдан далилга асосланган (evidence-based) эрта интервенция, ижтимоий реабилитация ва инновацион мониторинг механизмларига йўналтириш зарурати асосланади. Халқаро рейтинглар (GPI ва бошқалар) контекстида ривожланган давлатларда самара берган моделлар — муҳитни ўзгартиришга қаратилган профилактика, диверсия (адлия тизимидан “чалғитиш”), ресторатив ёндашув, мактаб–полиция–ижтимоий хизматлар интеграцияси каби инструментлар қиёсий таҳлил қилинади. Шунингдек, миллий амалиёт учун риск омилларини ҳудудий кесимда аниқлайдиган миллий мониторинг институтини ҳуқуқий мустаҳкамлаш, профилактикага ижтимоий-иқтисодий стимуллар (масалан, “ижтимоий ваучер”) ва идоралараро ҳимояланган электрон ҳамкорлик механизмларини жорий этиш бўйича таклифлар илгари сурилади.