VOLEYBOL MASHG‘ULOTLARINING TALABALARNING SOG‘LOM TURMUSH TARZIGA TA’SIRI

Abstract

Ushbu maqolada voleybol mashg‘ulotlarining talabalarning sog‘lom turmush tarzini shakllantirishdagi o‘rni va ahamiyati ilmiy-nazariy jihatdan tahlil qilinadi.

Talabalik davrida jismoniy faollikning kamayishi, uzoq vaqt davomida o‘tirib o‘qish, kompyuter va mobil qurilmalardan ko‘p foydalanish, kun tartibining buzilishi hamda ruhiy zo‘riqish organizmning funksional holatiga salbiy ta’sir ko‘rsatishi mumkin. Voleybol mashg‘ulotlari esa harakat faolligini oshirish, yurak-qon tomir va nafas olish tizimlari faoliyatini takomillashtirish, mushaklarning kuchi va chidamliligini rivojlantirish, chaqqonlik, tezkorlik, muvozanat va koordinatsiyani yaxshilash imkonini beradi. Maqolada voleybolning talabalarning jismoniy, ruhiy va ijtimoiy salomatligiga ta’siri, shuningdek, muntazam sport mashg‘ulotlarining sog‘lom ovqatlanish, kun tartibiga rioya qilish, zararli odatlardan voz kechish va faol hayot tarzini shakllantirishdagi imkoniyatlari yoritilgan. Jahon sog‘liqni saqlash tashkiloti ma’lumotlariga ko‘ra, kattalar haftasiga kamida 150–300 daqiqa o‘rtacha intensivlikdagi aerob jismoniy faollik yoki 75–150 daqiqa yuqori intensivlikdagi faollik bilan shug‘ullanishi tavsiya etiladi.