VOYAGA YETMAGANLAR TOMONIDAN SODIR ETILADIGAN BEZORILIK JINOYATLARIDA JINOYATCHI SHAXSI VA UNING BELGILARI

Аннотация

Ma’lumki, o‘sib kelayotgan yosh avlod har bir millatning tayanchi hamda kelajakdaki poydevori hisoblanadi. Rivojlanayotgan texnologiyalar asrida yashayotgan ekanmiz bizdan oldin yashab o‘tgan avlodga nisbatan bizda yuqori darajada zamonaviy imkoniyatlar paydo bo‘layotgani va mazkur imkoniyatlardan ijobiy tarzda foydalanishimiz orqali har qanday sohada insoniyat ko‘plab yutuqlarga erishayotgani hech kimga sir emasdir. Shu bilan birga, inson qo‘l mehnatini texnika egallayotgani hayotni oson suratda kechirishga olib kelmoqda. Qolaversa, rivojlanayotgan texnologiyalar bizning hayotimizni osonlashtirayotgani buning natijasida insonda harakatchanlik xususiyati tobora kamayib borayotgani ma’lum va ravshandir. Shuningdek, zamonaviy sivilizatsiya taqdim etgan imkoniyatlardan besamar foydalanish o‘z navbatida ko‘ngilsiz hodisalar sodir bo‘lishiga qolaversa jinoyatchilikning ortib borishiga turtki bo‘lmoqda.