MONETAR SIYOSATNING FOIZ STAVKASI KANALI VA UNING TIJORAT BANKLARI KREDITLASH FAOLIYATIGA TA’SIRI

Аннотация

Mazkur maqolada monetar siyosatning foiz stavkasi kanali va uning tijorat banklari kreditlash faoliyatiga ta’siri nazariy hamda amaliy jihatdan tahlil qilinadi. Tadqiqotda Markaziy bankning asosiy stavkasi, banklararo pul bozori stavkalari, tijorat banklarining kredit va depozit foiz stavkalari o‘rtasidagi bog‘liqlik o‘rganiladi. Shuningdek, foiz stavkasidagi o‘zgarishlarning kredit portfeli hajmi, jismoniy va yuridik shaxslarga ajratilayotgan kreditlar, kredit resurslari qiymati hamda banklarning likvidlik holatiga ta’siri baholanadi. Maqolada foiz stavkasi kanalining monetar transmissiya mexanizmidagi o‘rni yoritilib, O‘zbekiston bank tizimida uning samaradorligini cheklayotgan omillar aniqlanadi. Jumladan, imtiyozli kreditlash dasturlari, bank sektorida davlat ulushining yuqoriligi, moliyaviy bozorlarning yetarli darajada rivojlanmagani, inflyatsion kutilmalar va kreditlarga bo‘lgan talab foiz stavkasi kanalining ta’sirchanligiga ta’sir ko‘rsatishi asoslanadi. Tadqiqot yakunida tijorat banklari kreditlash faoliyatida foiz siyosati ta’sirini kuchaytirish, kredit stavkalarining asosiy stavkaga moslashuvchanligini oshirish hamda monetar transmissiya mexanizmini takomillashtirish bo‘yicha amaliy takliflar ishlab chiqiladi.