SPORT TASHKILOTLARINING AVTONOM XUSUSIYATLARI VA ULARNING RAQOBAT HUQUQIGA TA’SIRI

Abstract

Mazkur maqola sport tashkilotlarining avtonomiya xususiyatlari va buning raqobat huquqiga ta’sirini tahlil qiladi. Zamonaviy sportdagi yirik sport tashkilotlarining (FIFA, UEFA, XOQ va boshqalar) mustaqilligi va o‘zini o‘zi boshqarish huquqi, ularning ichki ishlariga davlat aralashuvini cheklaydi va sportning o‘ziga xos xususiyatlarini saqlab qolishga yordam beradi. Biroq, bu avtonomiya cheksiz emas va ko‘pincha raqobat huquqi normalari bilan to‘qnashuvga olib kelishi mumkin. Maqolada sport tashkilotlarining avtonomiyasining manbalari, uning raqobatni cheklash yoki rag‘batlantirishdagi roli, shuningdek, raqobat huquqi organlarining bu sohadagi vakolatlari va sport tashkilotlari faoliyatini tartibga solish masalalari ko‘rib chiqiladi. Maqola yakunida sport tashkilotlarining avtonomiyasi va raqobat huquqi o‘rtasidagi muvozanatni ta’minlash bo‘yicha takliflar beriladi.