AHOLI BANDLIGINI TA’MINLASHDA BANK KREDITLARINING O‘RNI (AITB IPAK YO'LI BANK MISOLIDA)

Аннотация

Mazkur ilmiy maqolada aholi bandligini ta’minlashda tijorat banklarining, xususan Aksiyadorlik Innovatsion Tijorat Banki “Ipak yo‘li” faoliyatining o‘rni chuqur o‘rganilgan. Tadqiqotning asosiy maqsadi – bank kredit siyosatining iqtisodiy faollik, kichik biznes rivoji va ish o‘rinlari yaratilishiga ko‘rsatayotgan ta’sirini aniqlashdir. Maqola oxirgi yillar oralig‘idagi statistik ma’lumotlar, bank hisobotlari hamda O‘zbekiston Respublikasi Markaziy bankining rasmiy tahliliy ma’lumotlari asosida tayyorlangan. Tadqiqot davomida iqtisodiy-statistik va korrelyatsion tahlil usullari qo‘llanilib, “Ipak yo‘li” banki tomonidan ajratilgan kreditlar hajmi bilan yaratilgan yangi ish o‘rinlari o‘rtasidagi bog‘liqlik aniqlangan.

Natijalar shuni ko‘rsatadiki, bank kreditlari hajmining o‘sishi bilan aholi bandlik darajasi o‘rtasida 0,92 koeffitsientli kuchli ijobiy korrelyatsiya mavjud bo‘lib, bu moliyaviy resurslarning samarali taqsimlanishi iqtisodiy faollikni rag‘batlantirishini tasdiqlaydi. Ayniqsa, mikroqarzlar va oilaviy tadbirkorlik dasturlari orqali 2020–2024-yillar davomida 30 mingdan ortiq yangi ish o‘rni yaratilgan. Maqolada “Ipak yo‘li” bankining yoshlar va ayollar tadbirkorligini qo‘llab-quvvatlashdagi tashabbuslari, raqamli kredit mahsulotlari (“Ipak Mobile”, “Online Microloan”) hamda garovsiz mikrokredit tizimining ijtimoiy samaradorligi ham tahlil qilingan. Shuningdek, bank kreditlarining ijtimoiy-iqtisodiy barqarorlikka, daromadlar tengsizligini kamaytirishga va hududiy bandlik siyosatini qo‘llab-quvvatlashga qo‘shayotgan hissasi yoritilgan.